NUKS UK & Ireland - Management

علياء الشطي و مي الحساوي: نهنيء الأخ الدكتور فواز الحصينان لحصوله على درجة الدكتوراة. نتمنى له التوفيق ومنها للأعلى.

faisal: يعطيك العافيه اخوي العويد ، بس عندي سؤال اتمنى اجابة سريعه عليه ، شلون احصل على الفيزا بإيرلندا ؟ وكم الفترة الي ممكن تطول على ما احصل على الفيزا ، ياليت تردون علي لأني باقي اسبوع على الاجتماع ممكن استفيد من خلله بإجراء الفيزا ، والله يعطيكم العافيه

ahmad alshammari: السلام عليكم إذا ممكن أبي أي واحد من الشباب اللي في جامعة نوتنقهام محتاج ورقة قبول مبدئي للدراسات العليا مع خالص الاحترام ... أنا في نوريتش الآن

ADEL: وعليكم السلام اخوي والله ما تقصر على هالمعلومات الطيبة واشكرك على مجهودك الطيب وما تقصر لانك قلت لنا عن اللقاء التنويري وان شاء الله نحضره ونستفيد منكم بس حبيت اعرف اخوي بريطانيا يقبلون بالتوفل ؟ يعني مو لازم الايلز ؟ ومشكور وعساك عالقوة :)

tecnology: Thanks to Mr. Al-Otaibi Oweidat and all the members of the National Union I like to refer to a site in the Internet is very important for all students wishing to study in Britain. =================== Welcome to Hotcourses, the place to find a course, college or university. Choose from 1,031,178 courses, 17,983 providers and 10,405 student reviews to help you make the right choice ============ http://www.hotcourses.com/community/homePage.jsp Good luck wish for all

العويد عبدالرحمن العتيبي: السلام عليكم اخواني واخواتي الطلاب المستجدين احيطكم علماً انه في يوم 30-7 يوم يقيم الاتحاد اللقاء التنويري للطلبة المستجدين في المملكة المتحده وأيرلندا في قاعه جمعية المحامين بجانب جمعية المهندسين وسوف تكون هناك العديد من الورش المقامه بحظور شخصيات من التعليم العالي و السفارة البريطانيه و وزارة الخارجيه الكويتيه راجيين حظوركم للأستفادة اكثر مما سوف يقدمه الاتحاد للطلبة المستجدين ===== اخوي فيصل واصل الاخ خليفة اليتامى راح يفيدك اكثر تلقى بياناته بهيكلة الاتحاد ==== اخوي التوستامستر من المقومات الناجحه لدراسة اللغه هي عدم الاحتكاك بالعرب ومشاهدة الافلام الي مو مترجم و تكثيثف الحوار باللغه الانجليزيه مع اطراف أخرى والقراءة والكتابه بشكل مستمر وأضمن لك تصير لغتك ممتازه بعد كم شهر بغض النظر عن المعهد ===== اخوي محتار في اسماء وايد طالعه وذا بغيت تشوف اسمك كلم الانترناشونال اوفس على هذا الرقم وستفسر منهم عن اسمك هل من ضمن المقبولين ولا لا Tel: +44 (0)1772 201 201 ===== اخوي ADEL عادت الدفع شهري ولاكن هذا الامر لا يقتصر على لندن فقط وتقدر تدش ها الربط ويفيك وايد انشالله http://www2.uwic.ac.uk/UWIC/Departments/FacilitiesManagement/accommodation/looking.htm ===== الاخت مها في البداية يجب النظر الي قرار التعليم العالي ان يكون الرانك 4 اي rank nu 4 and up والجامعات كثير في هذا المستوى والمناطق ايضاَ كثيره و مختلفه بالحجم والشكل علشان تشوفين الانسب لك دشي ها الموقع وحطي التخصص ونوع الدراسه والرانك المطلوب وهو يبين لك الجامعات على حسب اختيارك وشوفي المناسب من المناطق الي فيها الجامعات وذا احترتي بالاختيار ردي سؤالك بالدوانيه ونشالله محد يقصر وياك www.ucas.com Phd=دكتوراه ===== اخوي فهد ادرس في نفس الجامعه الي جالك فيها قبول هندسه ==== اختي faces-q8 نظام المعادلة في بريطانيا نظام سنوات وليست وحدات أي الجامعه ياتقبل الدبلوم على السنه الاخيره او على السنه قبل الاخيره وياريت توضحين التخصص علشان اوضح لك الجامعه المناسبه =============================== في النهايه احب اوضح ان اللغه مطلب مهم للطالب المستجد ويجب ان تكون في اعتبار الكل لانه بدون لغه محد يقدر يواكب الدراسه ============================== متمني التوفيق للكل

faisal: السلام عليكم ، شباب انا قدمت على بعثه طب بشري ببريطانيا ، وللأسف ما حصلت قبول ، فـ سجلت بالمعهد الايرلندي ، وان شاء الله مسافر هناك ، لدراسة الـ leaving ومن ثم الفاونديشن يير ، هل تعتقدون انه في مشكلة راح تواجهني ، وشنو ممكن اسوي هناك بإيرلندا ، ياليت توضحون لي هالموضوع

التوستامستر: السلام عليكم سؤال : عطوني رايكم عن معهد شفيلد للغة ؟ هل تنصحوني أسجل فية 0000 بنتظاركم

محتااااار: السلام عليكم ورحمه الله .. الله يعطيكم العافية على هالمجهود بس ياجماعه أبي احد تكفون يفيدني هل جامعة ..(جامعة لانكشاير).. طلعت فيها اسماء مقبولين ام لا ؟ وإذا طلعت اسامي شلون اعرف اسمي طلع والا لا ؟ وباقي اسامي ماطلعت والا كلهم طلعوا ؟ والله يعطيكم العافيه

ADEL: السلام عليكم ،، يعطيكم العافيه يارب وعساكم على القوة حبيت استفسر عن شغله معينه ، انا انقبلت على جامعه Wales بمنطقة كارديف وهذا موقعهم http://www2.uwic.ac.uk/ انا دخلت الموقع اهما بس كاتبين معلومات عن السكن وكم اسعار الدفع لكل سكن بس حبيت اعرف الدفع عندهم يومي ولا اسبوعي ولا شهري ؟ ومشكورين مقدماً ^_^